Сибирь жарасына байланыштуу штабдык жыйын өттү

Райондук мамлекеттик администрациясынын кичи жыйындар залында эпидемияга жана эпизоотияга каршы күрөшүү комиссиясынын штабдык жыйыны өткөрүлдү.

Жыйындын күн тартибинде район аймагында «сибирь жарасы» (куйдургу) оорусуна шектелген учурга байланыштуу маалымат каралып, эпидемиологиялык кырдаалга баа берилди. Лабораториялык изилдөөлөрдүн жыйынтыгында сибирь жарасы тастыкталган эмес. Райондо абал туруктуу деп табылып, коюлган санитардык посттор алынып салынды.

Ошондой эле, комиссия тарабынан эт азыктарынын сатылышын көзөмөлдөө, мектеп мугалимдерин медициналык кароодон өткөрүү, калк арасында түшүндүрүү иштерин күчөтүү жана ветеринардык көзөмөлдү жакшыртуу боюнча бир катар тапшырмалар берилди.